| كُتبت بواسطة ~ :
✿✿✿✿
{ξ} ـيونـﭻ
لاتشـوفْ أحـزانْ هـالدنيـَا { وأنـا عـَايشْـﮧ !
هاليومين أعتبرهم من أصعب الأيام عندي..
أحس اني في حيرة مو عارفة شلون أتصرف
أولاً لأن حبي سوسو تمر بظروف صعبه هالفترة
حييل حييل مو عاجبني وضعها
خلتني فعلا أعيش معاها بهالظروف لكن من بعيد لبعيد
صعب علي أشوفها متكدرة او متضايقة وأنا مابيدي شي أسويه والأكثر صعوبة أني مو يمها
قاعده أحاول جدياً أطلعها من الحاله اللي هي فيها والحمدلله انه في تحسن بسيط لكن لازالت الضيقة موجودة
نبرة صوتها من أكلمها تحسسني بكدر داخلها ، ضحكتها تفرحني لكن أحسها مو من قلب مو هي سوسو اللي أعرفها
أتمنى فعلاً أكون قادرة أخلصها من وضعها..وهمن تعدي أمورها بسهاله وعلى خير وترتاح وأنا ارتاح
حبيبي كلمة بقولها لج
أنا معاج بكل خطوة تخطينها وبكل شغله تمرين فيها،
فضفضي لي اذا حسيتي بهم وكدر ماراح أرتاح إلا بعد ما أشوف راحتج بالبداية
من تتضايقين أتضايق من أحسج مهمومه أنقهر
وأطلع حرتي وقهري بأي شخص قدامي فخفي علي عشان أخف عاللي حولي^.^
| | لاتَبڪّيَـﻦ و تنآديَنيَ | |
انُا ع ـونَـﭻ بـ / هالدَنيَآ محدُ يڪّسَر مجآديفَـﭻ
✿✿✿✿
من جهة ثانية أعاني وربي من رفيجتي متشائمة جداً جداً هم هي تمر بظروف حيييل صعببه..
قاعده أحاول وأحاول قد ما أقدر أساعدها وأخليها تتجاوز ظروفها لكنها متعبتني معاهااا مو راضية تتقيد بكلامي ونصايحي لها
خاطري أشوفها مرتاحة ومستانسة بدنيتها وماتعاني اللي تعانيه حالياً
عبووور يالبطة ساعديني عشان أقدر أساعدج أنا بروحي ماراح أقدر أخليج تتجاوزين ظروفج
ربي يسعدج غلاي
صح القدر يصدمني لكن ما يــــنــــهــــيـــــنــــــي ||
تلقيني اضحك ودمعتي وسط عــــــيـــــنــــــي ~
✿✿✿✿
أما عني أنا فلازلت أعاند ظروفي وأحاول أتغلب عليها بأي شكل من الأشكال
خبركم عنيده وراسي يابس اللي في بالي اسويه اسويه حتى ان كان فيه أذى لي ^.^
بس مع الأسف فوق ما أني أحاول أجاريها ألاقي أمور تزيد منها
وأولها اللي ذكرته فوق وثانيها مسجات ومكالمات العتب من رفيجاتي
المشكلة ان هالمسجات جارحة بالحييل وماني حمل هالتجريح
أدري أني مقصره معاهم في المسجات والمكالمات
بس صج مو عارفة أنظم وقتي خاصه وأني أعاني ضغوطات بالدوام
صايرة أيامي روتينيه بحته
أقوم الصبح مبجر،أروح الدوام
أرجع أدور فراشي بس لا أكل ولا غيره
أصحى ع المغرب
أكل شي خفيف وأقعد مع الاهل شوي
أشبك ع النت
بعدها نرجع للنوم
هذي حياتي هالفترة،كنت أتمنى يعذروني
بس مع الأسف ماشفت هالشي الا في بعض من رفيجاتي
هذي أخر مسجات حصلتها من عندهم
[ ماعاد ينفع لو تعذرت ورجعت ..فات الاوان وقل قدرك وشانك
وشلون اسامح وانت في الود قصرت..وبعت الرفيق اللي وفالك وصانك
واللحين جاي تقول نادم وفكرت..خل المحبه وانت خلك مكانك ]
[ اللي وأنا في غيبتي صد عني..وقت الرخاء مابيه ينشد عن الحال !! ]
والله يارفيجاتي عليهم مسجات تعور القلب الله يعينك ياقلبي (╥﹏╥)
هالشي بيخليني أعيد حساباتي من جديد وارتب اموري واوضاعي بحيث اني ما أخسر ولا أفقد اي شخص أعزه وأغليه
{ الهدوء طبعى والح ـــزن عالمي الخاص }
حافظـكــ ربـي ــم
✿✿✿✿
|
التوقيع ~ :~ ♥ يآ قڵب [
] .. إنبض .. مردّڪْ فِي يۈم ٺٺۈقف .. =(
