✿ Life is nothing without friendship ✿

الصداقة عقل واحد في جسدين

بما أني وحده أقدس شي اسمه صداقــة..

وماتهون علي خسارة اي وحده من صديقاتي..

قررت جديـاً أخصص ساعه لكل وحده منهم حتى ما أحس بتقصير ناحيتهم سواء كان اتصال او تبادل بالمسجات..

ذكرت بالبوستات اللي فااتت مسجات التجريح اللي كانت توصلني من عندهم..

بحكم أني أحبهم وأغليهـم راسلتهم بمسج واحد يبين قدرهم عندي..

إلا أنت خلك معاي ولا تجافيني ،،

وغيرك يروح وجعله مايجي ثاني ،،

لا صرت مني قريب وما تخليني ،،

ماهمني من هجر قلبي وخلاني ،،

فدوة عيونك عيون الناس وسنيني ،،

وش لي بعمري إذا قلبك هجر قلبي وخلاني ،،

وش لي بعمري إذا قلبك تعداني ،،

بعد هالمسج دزيت مسج عتب بكلام عادي..

طبعاً أدري انه حرك مشاعرهم لأنهم ماردوا

بينت لهم من خلاله ان الصديقة المفروض تعذر صديقتها..

حتى وان تجاهلت مسجاتها واتصالاتها ممكن تكون مضغوطة؟!

أو تمر بظروف صعبه ونفسيتها ما تسمح لها تتواصل مع أياً كان..!

عموماً  أنا ماعجبني عدم ردهم فحبيت أتطمن عليهم..

أول وحده دزيت لها خبر فرحها..

وطاح الحطب بعدها..

ثاني وحده دزيت لها مسج أسألها عن سبب تجاهلها..

ردت علي [ أنا بالمستشفى منومة/ أكلمج بالليل ]

فاجئتني بردها ودزيت لها [ سلامات شفيج؟ ماتشوفين شر فديتج..دقي بس تفضين ]

الفاجعة بالنسبة لي ردها هذا [ كله منج / بدق ان شاءالله ]

أنا فوق راسي تفتر علاماات التعجب 

أسأل نفسي شسويت؟؟

رديت عليها [ أنـا !! يامامي شسويت ؟ حدي بريئة ): ]

ردت علي [ أيه حيل ومسجج أمس حدي حسيت إنج تكرهيني ]

بصرااااحة حدي انصدمت معقوولة 

مابي أكون السبب بتعاسة وألم أي شخص تربطني فيه اي علاقة..

والله ما أتحمل هالشي..

أنا فعلا أعترف أنهم مو مقصرين معاي بتواصلهم لكني اكون دايم مشغوولة ومضغوطة..

أذكر أن صديقاتي كانوا فوق ال 30 وحده..

ماظل منهم يتواصل معاي الا كم وحده وينعدون على الاصابع..

حييييل مشتاقتلهم وربي.. ):

ومفكرة جدياً أحجز مكان يلمهم ويلم شملهم..هالشي مفكرة فيه من زمان..

وشلون اتجاهل صداقـه نورت لي حياتي

من جهة ثانيـة قاعده أفكر أغير اللوك تبعي..

بنت خالي تقترح علي أقص شعري  بوي تقول بيطلع عليج حلوو وناطرتج تقصينه..

بنت خالتي عارضتها بعصبية وقالت أحبج ان قصيتيه بوي ماعرفج ولا تعرفيني..

أنا محتارة بصراحة أحب أغير في كل مرره ما أحب ألتزم بستايل معين..

شووروا علي عطوني رايكم فديتكم ):

أشوفكم على خير 

| التوقيع ~ :

~ ♥ يآ قڵب [ ] .. إنبض .. مردّڪْ فِي يۈم ٺٺۈقف .. =(