{ ﻧـﻔـﻮﺲ ډﻧـﯿـئـﮧ }

 وأنا أكتب أصعب حروفي غزير الدمع حياها ..
اواسي النفس ومن يقدر يواسي نفس مقهوره

أكتب وفعلا كلي قهر

القهر أني عايشـة في دنيا مريضة وحولي بعض البشر كذابة

كل (ن) منهم يشوف نفسه بلا عيوب

أسئلة تحز بخاطري..

ليش الناس منخدعه بالمظاهر؟!

ليش الناس صارت تشوف اللي حولها من برى ولا تفكر تشوفها من داخل؟!

اللحين معقول في هالدنيا الجوهر ماعاد له وجود؟!

                              معقول مكنون الشخص واخلاقه ومعدنه ماعادوا يهمون؟!

طبعاً أنا أتكلم من ناحية تقييم الناس للناس اللي قدامهم..

صاروا يقيمون شخصيتهم واخلاقهم بناءاً على مظهرهم الخارجي..

للأسف هالشي بنظري أكبر غلط..

مستحيل أقييم الشخص اللي قدامي على اساس شكله ومظهره..

مستحيل أتكلم عن اي شخص بالسوء من دون ما أعرف هالشخص شنو من داخل..

أكيد بتعرفون أنا مقهورة أكثر ليش..


قال تعالى : ( وَ الَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُبِينًا ) [ الأحزاب : 58 ]

ياللي تحاول تشوه سمعتي في كلامك
ما همنـــي ما قلـت وش قلـــت فينــــي

مقهورة من ناس قذفوني بالشينة لا هم يعرفون منهي أحبج ولا حتى شافوها ولا حتى سمعوا صوتها

تدرون ليش؟

لأني ليزبيان

أي نعم أنا ليز اللي عاجبه حياه الله واللي مو عاجبه مايشوف شر

تعرضت لكم؟ - شتمتكم؟ -كرهتكم؟ - ضريتكم لاقدر الله؟

كل هذي الأشياء مستحيل تبدر من عندي ولله الحمد..

●{ تذكر كما تدين تُدان }●
فإلزم حدودك
قبل أن تجرح شعور أحد
قبل أن تتفوه شفتاك بِـ كذبة صاغها لك عقلك

أنا وحده عارفة ربي وصاينة نفسي وأخلاقي عاليـة ولا أسمح لأياً كان يتعدى حدوده ويمس سمعتي بأي شي

إلا سمعتي دار مدارها خطوط حمرا لا تفكرون في يوم تتعرضون لها بالسوء..

أفني نفسي عشانها

أنا بنت حالي حال أي بنت مالها إلا سمعتها

مو عشاني ليزبو قلتوا عني هذي وحده مو زينه!!

عجيب والله دخلتوا قلبي؟

تعمقتوا بداخل نفسي وشفتوا انها نفس دنيئة لاقدر الله؟

أنتوا ماتعرفون منهي أحبج ولا تعرفون الأسباب اللي خلتني أكون ليز

أسباب كانت معاي من صغر سني , يعني هالشي خارج عن إرادتي

أنا انسانه مثلي مثل اي انسانه كانت تحلم يكون لها بيت ويكون لها يهال

أنا انسانه صعب علي أخطي هالخطوة

صعب أكون مع ريال بنفس البيت أو حتى بنفس المكان

صعب علي أكون قريبة منه بالحييل وربي أتقزز وأنفر منه

اعذروني لكن فعلاً مضطرة أتكلم وأفضفض بكل شفافية حتى لا يجي من يمس سمعتي بسوء..

شفت أمور من صغري خلتني أكره الرياييل بشكل مو طبيعي

أنا أدري اللي حولي ناسيين اللي حصل لي بس وربي اللي خلق هالسبع سماوات اني ماراح انسى



{ تحرشات جنسية من قبل الجنس الآخر جعلت مني فتاة مثلية }


ماراح أوضح الأمور أكثر لأنها راح تطول..

أنا اعترف ان اللي تقدموا لي وايـد بس كنت أرفض وأبعد سيرة الزواج عن بالي لأنها تخنقني وتأزمني

ولا أحب أحد حولي يطريها

ولليوم ما فكرت أذكرهم بموضوعي ، لازالوا محتارين برفضي وكرهي للزواج سواء أهل أو رفيجات

مجرد ثنتين  يدرون عنه توأم روحي عبير ووحده من رفيجاتي..


( يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ )
[الحجرات : 12]

اللي أبي أوصل له

هو حسن الظن في الشخص اللي قدامكم

لأن تحسن الظن فتندم، خير من أن تسيء الظن فتندم!.

لا وجود للانسان الكامل و لو وجد فهو متصنع الكمال

فعلا أنا مو كاملة ولا في بهالكون شخص كامل ما الكامل الا وجهه سبحانه وتعالى

كل شخص بهالدنيا يوهم نفسه بالكمال والمثالية..

يعني اللحين ياللي اتهمتوني بإني وحده مو زينه..

أنتم خالين من العيوب؟

اسمحوا لي اقولكم أن اللي بداخلكم مرض نفسي

يخليكم تتخذون في قرارة أنفسكم أمور تضر الغير وتكون في صالحكم

بحكم أنكم من الناس المثاليـة ومايعيبكم شي!!

حلو الواحد يعترف هو شنو وشنو عيوبه..

ذنبي تراه الطيب .. والطيب مبدأي.. عايشه ولا عندي أبد سوء نية!!

أنا فيني عيوب وأكبر عيوبي طيبتي
طيبتي اللي خلتني أواجه ناس مثلكم..
طيبتي تحكمني وتخليني أتساهل وأتغاضى عن كثير أمور
طيبتي اللي أتعبتني في دنيتي

{ كلمة لمُدعي المثالية }

اكرهوني
اشتموني
واجرحوني
وسووا كل مايهنالكم

لكن لا تتعرضون لسمعتي..ماعاش من يتعرض لها

أنا انسانه وحيـده بهالدنيا
انسانه غايتي عطف وحنان
انسانه مُهمل وجودها
انسانه غامضه مايفهمني إلا اللي يتعمق بداخلي
انسانه تملكني الحزن رغم صغر سني

ورغم وجود كل هالعالم حولي

أهلي
قرايبي
رفيجاتي
وكل من يعز علي وأغليه

بس تتوقعون في أحد منهم سأل منو أحبج؟
أهتم يعرف عن حال أحبج؟
عن أحزان وهموم أحبج؟
حاول يفهم شعور أحبج؟

ما أنكر أبداً وقفاتهم معاي وسؤالهم الدايم عني
لكن القصد من كلامي انهم ما حاولوا يعرفون شخصية أحبج..

شالمانع لا تمنيت تكون لي حبيبة

احتويها وتحتويني!
أحن عليها وتحن علي!
أهتم لها وتهتم لي!
تكون دنيتي وأكون أنا بدنيتها كل شي!

ما أتوقع طلبت شي يخدشكم
شي يبين فساد أخلاقي
شي يسمح لكم تتعرضون لي
شي يحاول يزرعه عقلكم الباطني عني بمجرد معرفتكم أني ليزبيان


عموماً على كلامكم وعلى كرهكم لي وشتمكم

راح أسامح وراح أعديها وراح أتناسى

لأن هذا طبعي ما أحب أنا اللف والدوران ..
الله خلقني واضحة في حياتي اهوى الصراحة وأكره الكذب والزور وحبي لغيري مثل حُبي لذاتي

وراح أقابل إساءتكم بالإحسان..

والله يهديكم وتعرفون قيمة أنفسكم ياللي تدعون المثالية


انابنت الأصول ومنسبي من طيب الأنساب
من يفكر بحفرة خبث حتماً بدفنه فيها

 

| التوقيع ~ :

~ ♥ يآ قڵب [ ] .. إنبض .. مردّڪْ فِي يۈم ٺٺۈقف .. =(