●● الـgدIع உ

ﮂمـۄξ اﻟوڊا ξ

غريبہ // قصہ الدمـ[ع]ـہ وهي تغسل [ جفون الـ[ξ]ـيـن

--] تريح جفـن باگيها ' مع انہ ] قمہ آحزآنہ[ '-

غريب بوستي في هالوقت اطرحه ..

حبيت أفضفض باللي بخاطري هالحزه بعد ماصحيت من نومي تو ع الساعه 4 الفجر على أثر ألم شديد بوسط القفص الصدري توقعت هالألم مجرد حلم من أحلامي سمعت وناتي وأنا نايمه وحسيت وقتها أني أتوهم لكن بعد ماحطيت ايدي على مكان الألم قمت من فراشي أحاول أتأكد..مستغربة هالألم..ملازمني صارله اسبوعين..بالبدايه كان مجرد ألم داخلي ما اهتميت له كثير قلت يمكن يكون برد..بس اللحين تأكدت انه مو برد /: مخنوووقة حيييل ياربييي بخاطري أبجي بس مو قادرة تعبت وأنا كاتمتها

عموما اللي بكتبه اليوم شي يحز بخاطري حيييل ماكنت أرجي هالنهايـة..

بس خلاص القلب ما فيه يتحمل أكثررر..

صعب علي أطري فراق من أحب غصبا عني والله..

مابہَ ج ـديد / عشاق ليلہَ تفارقوا وصاروا بـ ع ـيــد

أمس انتهى و بدون رجعه كل مايربطني بإنسانه حييل مخلصه بحبها..

انسانه طيبه بمعنى الكلمة..

انسانه كانت تدور استقرار نفسي بس للأسف اللي حولها حييل مأثرين عليها..

انسانه مررحه ومشاعرها رهيفـة..

مـادري شقول أكثر عن هالإنسانه قليل هالكلام اللي ذكرته في حقها..

هم بقول ان كل انسان له عيووبه..

وهم ماراح أذكر عيوبها لأنها كانت حبيبتي وتملك عرش قلبي..

ومستحيل أتكلم عنها بسوء لو حتى كلمه..ماتعودت على هالشي..

سوسو لا تتوقعين أبداً أبداً أني أذكرج بالشينـه في يـوم من الأيام..

على أنج ذكرتي واايد في بلوقج عن انتهاء علاقتنا الا اني اسمي هالبوستات مجرد تنفيس عن غضب..

ماكنت اعد اي حساب لهالبوستات لأني أدري انج تكونين معصبة وماعندج الا هالمدونة تفضفضين باللي يضايقج فيها..ذكرتي عني امور وبالغتي فيها بس مع ذالك تمونين ومقبولة منج وتبقين وربي عزيزة وغاليـة على قلبي رغم كل اللي مريت فيه معاج ورغم كل الجروح اللي بدرت منج ناحيتي ظليت احبــღــج..

مع العلم والله من يجرحني مره يطيح من عيني ألف مره..لكن أنتي الوحيده اللي ضغطت على قلبي عشان حبنا وعلاقتنا تستمر لأني عارفة منو أنتي وشنو اللي بداخلج..

كانت في امور بعلاقتنا جداً مو عاجبتني..

حاولت أوضح لج أكثر من مرره ان هالأمور ماتعجبني..

بس صعب على شخص تعود عليها من سنين يغيرها..

ذكرت لج أكثر من مرره أني أحبـج وأبيج لي أدري أني أنانيـة بطلبي هذا..

لكن أنتي تدرين ليش كنت أقولج هالشي..

في أوادم معاكم بالشلـة بالمررة مادشو مزاجي..وتأثرتي حييل فيهم..

احتكاكج بالجنس الثاني وقعدتج معاهم تكدر خاطري وتضايقني حيييل حيييل..

ذكرت لج أني ما أبيج تحتكين بالشباب او حتى تسولفين معاهم كصداقة ..

ذكرت لج أن الغالبيـة العظمى من هالجنس ماوراه الا المصايب..

مع احترامي الكبير للأقلية منهم ..

أدري البعض بيحتج وبيقول عادي مجرد صداقة..

لكن بالنسبة لي مو عادي هالجنس بالذات ما أثق فيه وامور ثانية مايحتاج اذكرها احتراماً للبعض منهم والشيطان شاطر غلاي وخوفي عليج اضطرني لهالشي..

كنت شاريتج وكنتي تفكرين عكس هالشي..

كنت مهتمه فيج بس صدمتيني بردج على اهتمامي فيج بطريقة تنم عن اللامبالاة..

تتوقعين لما أمنعج من شي أنا أدري انه يضرج هذا مو اهتمام؟

تتوقعين لما أحن عليج وقت ضيقتج إلا أعرف عن اللي مضايقج هذا مو اهتمام؟

تتوقعين لما أنصحج تبتعدين عن بعض الناس لمعرفتي التامه ان ماوراهم اي منفعه هذا مو اهتمام؟

حطي في بالج أنج حبيتي وحده ان حبت ..حبت بكل مافيها..

انتي أنا..

اللي يضرج يضرني

اللي يزعلج يزعلني

اللي يسعدج يسعدني

وغيره وغيره لأن أنا وياج واحد

حسب مافهمته من الحب ان الحبيبة تصون حبيبتها ولا ترضى الا بمنفعتها..

يآگثڒ مآٺطڒي آڷفڒڨى ـآع‘ـڷى ـآ ڷڛِڛِآنگ

حبيبي سوسو أعترف وبكل أسف اننا للحين مو فاهمين بعض..

تصرفج الأخير حييل ضايقني..

انا اول مره أسمع بشقه فيها سرداب لا وبالدور الاول غريبة والله في اي كوكب هذي؟؟

ماكان في داعي اللف والدوران..

ماكان في داعي تتضايقين من تصرفي الاخير معاج لأنج حبيبتي اتخذت هالتصرف حتى تبتعدين وتتركين هالشغله..

ماكان في بالي شي عن الفرقا

ماكان في داعي أبد كل ماقلت لج شي طريتيها,,

أنا تعبت ومل صبري..

عموما انتي فعلا ماتحتاجين وجودي يمج لأن هذي حياتج ووناستج وأنا ممكن أكون فعلا ظالمتج أو قاعده اتبلى عليج مثل ماقلتي..

عشان جذي الأفضل كل وحده تروح بطريجها لأنج ذكرتي من قبل أني مو من طينتج ولا أنتي من طينتي..

وهالأمور انتي تعودتي عليها مابي اكون حجر عثرة بطريج وناستج..حاولت اغيرج للأحسن ولمصلحتج او بالاصح مصلحتنا..بس مع ذالك ماكو فايده..الكلاام غيير والفعل غيير..

بالأخير أحب أقول أني انسانه لا حبيت أحب من قلب وأضحي لخاطر من أحبها

انسانه في داخلي حزن وفراغ عاطفي مايعلم فيه الا الله..

كنت محتاجة من توقف معاي تساندني

كنت محتاجة لحضن دافي وقت ما اضيق يلمني

كنت محتاجة لاهتمام ينسيني هالدنيا وكل مافيها

كنت وكنت وكنت بس للأسف مالقيت هالشي فيج الا قليل ..

ياعمري ياسوسو انا ادري هالشي مو بيدج وصعب عليج تتغيرين وحاسة فيج والله لانج سنين على هالحال..

بس قلنا نحاول..

أنا أسفـة على كل كلمة قلتها زعلتج فيها..
وأسفة على كل فعل صدر مني وضايقج..

وأسفـة على جرحي الأخير لمشاعرج..

تأكدي فديتج ان اللي انتي ماشية فيه ماراح ينفعج كثر مابيضرج...

عسى ربي يحفظج ويرزقج اللي تتمنينها,,