{ Ŋẽŵ ŀõôҚ ~

مساء الخير ع الجميع..شلونكم؟

بما أني أمر بلحظات عصيبة هالفترة ..

قررت قبل يومين اروح انا ورفيجتي للصالون حتى أغير اللوك تبعي..

طلعت الصبح ووصلت لبيت رفيجتي طلعنا مع بعض بسيارتها تريقنا وع الساعه 10 رحنا لموعدنا..

طبعاً هي عندها جلسات تكثيف للشعر وهم حبت تقص شعرها..

وأنا كنت صابغه شعري أشقر ثلجي مليت من لونه فقررت أصبغ شعري وأقصه..

صبغت شعري تقريباً أغمج من هاللون بشوي

لكن بعض الخصل تمت فاتحه لأني من قبل كنت صابغه أفتح من هاللون..

وقصيته نفس هالقصه بس بعد تردد لأن رفيجتي وراعية الصالون تموا يقولون لي حرام تظلمين ويهج بهالقصه لأنه صغير..

اقترحوا علي اقصه قصيير حتى يبان ويهي عدل..

بس شافوا اني محتارة فقالوا خلاص بعد جلسات التكثيف قصيه أقصرر..

فديتها خلتني اطلع من المود اللي انا فيه شوي وونستني..

ربي يسعدها ويوفقها ويرجعها بالسلامه هي وريلها..

طبعاً هم ما أنسى الحلووة اللي ذكرتني بكيكة مكتوب عليها اسمي بيوم ميلادي..

تدرين ياقلبي ما انتبهت لها لأني خليت الأكياس بالمطبخ وصعدت داري على طول..

تسلملي ايدج يابعدهم كلفتي على نفسج..كافي وجودكم بحياتي وربي..

ربي يسعدج ويرزقج اللي تتمنينه..