|| ||❥ قلبــﮯ مغلقْ للصيانـﮧ ✖

من يشتـري قلـبٍ همومـه (ملاييـن؟)
ويبيعنـي قلـبٍ مـن الهـمّ خـالـي

 ×{ . .  مٌدريٍ ..!
گنْ الحٌزٍنْ شآفٌ فٌينيْ لهْ " نعٌم الصٌديَقْ " ..~

اليوم في بوستي هذا راح أكون صريحة تماماً معاكم ، راح أكتب معظم اللي بجعبتي وكل اللي مريت فيه بعلاقاتي السته..

راح أذكر لكم أمور كثيرة ومن ضمنها مواصفات اللي اتمنى وجودها بحياتي..يمكن لأني مليت أكتم احساسي..او يمكن لأن الملل

سيطر على حياتي ..يمكن لأني همن مليت من كثر ما أبجي ولا أحد يحس بدمعتي...

ڵمڵم  ياقلبـﮯ [جرۋِحڪ] ۋِخڵ مٱفـېڪ . . . فېڪ . .}~
ېۋِم ڵڪ ېٱقڵبې~ ۋِع͠ـشرهـ ..[ع͠ـڵېڪ

قلبي للأسف أحسه 

مغفل ..

حساس ..

يتأثر بسرعه ..

يتعلق باللي حوله بقوه ..

يتألم بشده ..

وطيب زياده عن اللزوم ..

كل هالأمور انضريت منها ضرر كبير وآثرت علي..

وقــاعده أفكــر جدياً أقفل قلبي فترة لغايـة ما يقوى ويرحب بحبه الجديد..

قبل فترة مو بعيده كان لي موعد لتخطيط القلب مثل ماذكرت لكم في واحد من بوستاتي شلون حسيت بآلم فجأة بصدري

طبعاً طلعت وقتها الصبح للمستوصف وانتظرت دوري حتى أدخل ع الدكتور --  الاخ كان نفسيه وكأني أطر منه..

عموماً فحصني وعطاني أمور كثيرة أسويها ( تحاليل - اشعه - تخطيط قلب - علاج - وموعد )..

المهم اني بعد ماشفت كل هالأمور طلعت من عنده ورميتهم بأقرب زبالة ( وانتوا بكرامه ) مالي خلق اللويه وعوار الراس..

اللي بيصير يصير بمعنى ( هي خاربه خاربه )..

» ح ـقيقـﮧ صفحتـﮯ بيضا ۩∙∙∙
{{ۇڷا ع ـمرۑ ڄ ـرحت ٲنسان∙∙∙«

علاقتي الأولى :

كانت أول علاقة لي بعمر 18 سنه ببنت سعودية عمرها 25 سنه..طبعاً كانت علاقتنا فون ونت مو أكثر بس تعلقت فيها كونها اول حب..خاصه وانها كانت متواصله معاي دايم..ولغاية قبل كم شهر اتصلت علي بعد ماقطعتها سنين .. طبعاً انا ميزت الصوت بس حاولت ما اوضح لها معرفتي فيها كبداية .. زعلت هي واعتذرت لها على قطاعتي وطلبت مني ما اقطعها .. لكن أنا صعب علي ارتبط بوحده خارج ديرتي..صعبه حييل..فماكان مني الا اني انهي اي شي يربطني فيها..

علاقتي الثانية :

كانت بعمر 20 ببنت كذالك سعودية عمرها 22 طبعاً لاحظت اني بجميع علاقتي المصارحة بالحب تبتدي من الطرف الثاني ولا مره فكرت انا ابدي بالمصارحة .. صارحتني هالبنت بحبها لي لكن للأسف ما استمر اللي بيننا أولاً للسبب اللي ذكرته لكم فوق وثانياً لأنها ارتبطت بريال..

فماكان مني الا اني انهيها مثل الاولى..

علاقتي الثالثة :

كانت مع بنت اماراتية عمرها 24 استمرت علاقتنا سنتين وكان تواصلنا فون ونت طبعاً كنت هالمره مصرة التقيها وكان في مشروع سفره للإمارات لكن تبدد كل شي بعد ما اكتشفت خيانتها..كانت خيانتها صدمه لي لأنها مع رفيجتي..خذت ايميلها عن طريق ايميل ارسلته أنا لكل جهات الإتصال عندي .. اضافتها وقعدت تسولف وتاخذ وتعطي معاها بالكلام..عن نفسي اكتشفت هالخيانه من خلال رفيجتي نفسها كنت قاعده معاها بالكلية ونسولف فجأة جابت طاري وحده اسمها مشابه لأسم هالبنت تقول اضافتني وحده من الامارات اسمها كذا..التفت على رفيجتي سألتها شنو الإيميل؟
قالت لي اسم الإيميل ، انصفق وجهي وقتها وانقلب حالي فوق تحت..حست رفيجتي وقالت لي أحبج شفيج قلت لها تدرين هذي من تكون..؟

قالت لايكون حبيبتج؟

قلت لها للأسف ايه..

قالت لي أحبج ماصار بيننا شي..

قلت اوكي حصل خير..

رجعت البيت دقيت عليها وسمعتها كلام من اللي يحبه قلبها وسديته..

صارت ترسل لي مسجات اعتذار وشكثر محبتها لي و و و و ..

وانا لا حياة لمن تنادي..انا وحده ما احب الخيانه هذا طبعي وماقدر اغيره..

بعد ما فقدت الأمل فيني راحت طلعت حرتها برفيجتي..

انتي السبب وانتي اللي خليتيني اخسر اجمل حب بحياتي ( يابنت الناس ليش تخونين دامه اجمل حب )

عاتبتني رفيجتي على تصرفي وطلبت مني اسامحها..وانا طاف طبعاً لأني ارضى بكل شي الا الخيانه والكذب واللف والدوران...

ظلت تراسلني الحبيبة اشهر وانا مو معبرتها..وبعدها انتهى اللي بيننا بدون رجعه..

علاقتي الرابعه :

كانت مع بنت من الكويت اكبر مني ب3 سنين.. طبعاً علاقتي هذي اقدر اقول انها كانت علاقة حب فعلا بس من طرفي انا وللأسف انها هي اللي صارحتني بالبداية بحبها،استمرت علاقتي فيها 6 سنين وانهيتها بداية هالسنة 2010 ، طبعا حسيت بإهتمامها وحبها لي اول سنه لكن فجأة ومن دون سابق انذار تغيرت علي..حاولت اعرف سبب هالتغير لكن ماكو فايده..كنت ادرس وافكر بهالتغيير وقتها صج انتكست لدرجة ان رفيجاتي كانوا يشوفون فيني حزن مو طبيعي ويحاولون يطلعوني من هالمود بس ماقدروا..ادق عليها تطنش ادز مسجات ولا رد..اكلمها تصارخ علي وتحاول تنفرني منها ظليت أشهر معاها على هالحال..وانا حسيت نفسي غبية وقتها لأني تصرفت بتصرف حدده مايسوى ولا في احد يستاهل بهالدنيا هالتصرف للحيني ناقده على نفسي..

( جرحت ايدي وكتبت اسمها عليها وارسلت لها صورة ايدي وهي مجروحة مع كلام يبين لها ان العلاقة اللي بيننا انتهت دامها تبي هالشي )

بعدها حست على دمها وجت وصارحتني وهي متضايقة من تصرفي تتوقعون شنو كان سبب هالتغيير؟

كان السبب للأســـــف زواجها وحملها بالشهر 8 ..

وأنا وين رحت ؟ ياغافلين لكم الله..

ماقسيت عليها بس قلت لها كان قلتي لي راح اعذرج..ردت علي قالت مابي اخسرج..

قلت ومن قال بتخسريني؟ قالت ادري انج ماتبين حبيبتج متزوجة..

قلت ميخالف قولي وشوفي ردة فعلي..

سكتت وبعدها ردت علي وقالت أحبج واموت فيج والـخ بس ماعرفت اصارحج..

ماحبيت اطول بهالموضوع لأني من داخلي احترق لكن سكت لأن كان بداخلي حب لها..

خذيت وعطيت معاها بالكلام وسألتها عن البيبي اذا بنوتة ولا ولد وشنو راح تسميهم والخ..

وبعدها رجع الحال طبيعي تميت معاها لغاية وقت ولادتها وصرت اراسلها وتراسلني بكل احداثها حتى وقت دخولها غرفة الولادة واول ماصحت من بنجها ارسلت لي مسج وصورة النونو..كانت بنوتة يختي فديتها..زرتها وجلست معها شوي وسحبتني من يدي بقوة وقربتني صوبها  ( احم احم ) بس للأسف اليهال كانوا حولنا..وخربوا الأجواء علينا

ممم اكييد تعرفون ان الزواج عوار راس ومسؤولية بلا مقياس..انشغلت ببيتها وبنتها ولهت عني حاولت معاهااا وااااااايد بالمسجات انها تنظر لعلاقتنا وتحاول تعطيها من وقتها لكن للأسف الكلام ينسمع من اذنك اليمين ويطلع من اذنك الشمال..

ظلينا على هالحال لغاية ما انهيتها اول هالسنة دزيت مسج طويل عريض اعاتبهااا واطلب منها ترجع مثل ماكانت معاي وخاصه بعد ماكبرت بنتها شوي وتعلقت فيني وتعلقت انا في هالنتفه حيل..عموما انها حاولت ترجع معاي مثل الاول وظلت معاي مثل الاول يومين بس ..بعدها عطيتها فرصه عشان تتعدل وقطعت عنها كم يوم وهي لاحس ولاخبر ولاحتى سؤال..ماكان مني الا اني ارسل لها مسج طووويل يبين نهاية علاقتنا..

ليومكم هذا ماحصلت منها رد يبين لي مشاعرها ...بس عن نفسي اعتبرها اللحين مجرد اخت وصديقة ومتواصله معاها لليوم على هالاساس مو اكثر..

علاقتي الخامسه :

كانت مع بويه ما استمرت كثير اقل من شهر لأنها كانت تفكر فيني فقط لحاجه مو أكثر..قطعت عنها وابتعدت ولا فكرت حتى اقول لها ان اللي بيننا ماراح يستمر..

علاقتي السادسه :

كانت مع سوسو .. وبتلقون اني كاتبه عن سوسو كم بوست ..

هذي هي علاقاتي السته..

المصارحة بالحب تبتدي من الطرف الثاني والنهاية تبتدي من عندي..

عسى ربي يسعدهم ويوفقهم ويرزقهم اللي يتمنونه..وأشكر كم وحده منهم راسلتني بيوم ميلادي..

 تـآئهـه . . وسط { تزآحـمَ } مشـآعر مبعثـره ~

اليوم كنت بحاجة لشخص يمي..كنت مخنوقة وودي ابجي بس ماقدرت..طبعاً صارلي اللحين 4 ايام ماذقت غير الماي..

نمت حاولت اتناسى الفراغ اللي بداخلي وحبي الضايع ..بس لما صحيت من نومي ارسلت لرفيجاتي مسجات اذكرهم بشغله..

طبعاً أنا أكررره برفيجاتي مقارنة انفسهم في بعض بالنسبة لمشاعري ناحيتهم..كلمت اليوم وحده فيهم بعد ماطلبتني ادق عليها..

مايمديني سولفت معاها قامت سألتني عن فلانه قلت لها انها بخير وسألتني عن تواصلي معاها اذا دايم ولا اني قاطعتها طبعا جاوبتها وخذيت وعطيت معاها بالكلام بعدها قامت تقارن نفسها فيها انا انقهرت وانجرحت من كلامهااا هني صج بجيت وانا اكلمها قلت لها بصكر اكلمج بعدين رفضت لكن بعد ماشافتني مصره قالت انتظرج بعد 5 دقايق..قلت اوكي صكرت منها..على طول دقيت على توأم روحي عبير مابقالي بهالدنيا غيرها .. هي اختي الكبيره بما اني اكبر اخواني وخواتي..هي رفيجتي اللي توقف معاي بأزماتي..للحين مستغربه شلون كلمتها وأنا ابجي فعلا حسيت نفسي ياهل محتاج اللي يضمه..أنا اعتذر منج عبورتي ادري ضايقتج بس والله غصب عني طلعت مني مالقيت احد يمي .. احتجت لج حتى افضفض باللي بقلبي..ومشكورة لأنج خففتي مني وقلتي لي فعلاً هذا ابتلاء من الله..

ارسلت لي رفيجتي مسج ( ياخبله أنا لو ما أغليج ماغرت وأرتفع ضغطي )

دزيت لها مسج ( اعذريني يافلانه تعبانه حدي تعبانه أكلمج بعدين )

ارسلت لي ( لا أنا ما ارضى اكون سبب ثاني للي فيج ، انتظر منج اتصال بالليل )

دزيت لها ( ان شاءالله )

3 من رفيجاتي اللي بالكلية صارحوني بحبهم لي لكن مو من البداية 

لا عقب ما صاروا حييل معاي وعقب ماعديتهم خواتي ورفيجاتي كنت افضفض لهم واشكي لهم عن اللي يضايقني بعلاقاتي مع الحبايب..

الأولى : قالت لي مباشرتاً أحبج انا أبيج حبيبة لي وقلبي مفتوح لج دايم شقلتي؟..طبعاً قعدت اضحك وخذيت الموضوع غشمره..ولا خليتها تفكر فيني هالتفكير مره ثانية..

الثانيه : بأخر سنه لي بالكلية قالت لي أحبج بقولج شي بس مابيج تتضايقين ، قلت اوكي ، قالت أنا من عرفتج وانا احبج وداشه قلبي بس ماحبيت ابين لج خفت تزعلين او تشوفين حالج علي..ضحكت عليها وقلت لها ليش اشوف حالي عليج عادي فديتج..من بعدها اشوف البنت قامت تبوح لي بكل اللي بخاطرها لي لكن مع ذالك تعتبر رفيجتي وماعطيتها مجال تفكر أبد اني أحبها كحبيبة..

الثالثة : اللي هي صاحبة المسج اللي فوق قبل فترة تزاعلت معاها وصار بيننا جدال ونقاااش حاد وكل هذا بسبب مسج دزيته لها بالغلط بإسم سوسو طبعاً زعلت مني وطالت السالفة وما انتهت..

برايكم تفكرون ترتبطون في بنات يعتبرون بالنسبة لكم خوات ورفيجات..أحسها صعبه وربي ماقدر اتخيل وضعي معاهم شلون..

عمـوماً أخر شي بذكره حب حياتي وش تكون..

عمر الزمـטּ مآحقق لخاطري شــيْ | جعل العوض في مقبلات الايآمْ

أنا وحده بكل صراحة ما أفكر كبداية بالأمور الحميمية في اي علاقة لي كثر ما أفكر بشخصية الحب..
ميولي { pure lipstick lesbain ~

اتمنى ارتبط ببنت عمرها من 28 - 37 سنه..بنت كويتية ..لأني حابة تكون حبيبتي يمي بكل وقت..

اتمنى ارتبط بوحده ماتفكر نهائياً ترتبط بزوج وعيال ولاحتى تفكر بالجنس الثاني..

أتمنى حبيبتي تكون واعيـة - ناضجه - مثقفه- تفكيرها مثل تفكيري ..
أتمنى ارتبط بوحده جااااده في علاقاتها وتستمر علاقتنا للأبد..

أتمنى ارتبط بوحده تحبني وأحبها

أدلعها وتدلعني

أخاف عليها وتخاف علي

أهتم فيها وتهتم فيني

أغار عليها وتغار علي
أحترمها وتحترمني
أقدرها وتقدرني
ما افرط فيها وأتمناها مو بسهولة تفكر تفرط فيني
أضحي لها وتضحي لي

أكون مسؤولة عنها وتكون مسؤولة عني..

ما أرضى عليها باللي يضرها ولا ترضى علي باللي يضرني..

تكون هي شمسي وقمري وهوى انفاسي..

تكون هي كل شي بالنسبة لي..

تكون بلسم لجروحي..
تكون معاي ويمي بكل وقت وماتتركني لحظة وحده..وتبادلني نفس الشعور..

وكثير أمور اتمناها في حبيبة قلبي وشريكة حياتي..

ولازلت أنتظرها على أحر من الجمر.وأعد أيامي حتى ألقى نور حياتي بوجودها..

اعذروني ع الإطاله..ذكرت لكم اني بفضفض بكل اللي بخاطري..

أشوفكم على خير..

عادي جداً .. إنِّي الليله (  عليل ) ..
............ الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
  ............. البقاء أحيان , يعني .. البهذلَهـ !!

| التوقيع ~ :

~ ♥ يآ قڵب [ ] .. إنبض .. مردّڪْ فِي يۈم ٺٺۈقف .. =(