| كُتبت بواسطة ~ :
..ليــس هناك أقسى وأصعب من شعور الفراق ووداع وانتظار الأحبــه..
..فالحزن والشوق والألم مزيج متكامل لوجع القلوب..
{ وتنطفئ شموع فرحي سنتاً تلو السنه ~
اليـوم الأثنين بتاريخ 24- 5- 2010 م كملت 24 سنة من عمري..
24 سنة فيها من اللحظات الحلوة القليل وفيها ومن حزنها الكثير..
حاولت وحاولت أتغلب على هالحزن لكن للأسف..
ألقى هالحزن متشبث فيني..
حزن فيه من الوجع مايكفي..
حزن ضرني وضر قلبي..
طبعاً ما أنكر اني سعيده بكل اللي حولي وكل اللي هنوني بميلادي..
سواء البنات اللي كانت تربطني فيهم علاقة حب..
او رفيجات أو حتى أهل..
لكن يتم مكان الحب فاضي..
يتم بداخلي فراغ عاطفي ..
أحاول أتمسك بكل لحظة حلوة وسعيده..
لكن الا ماتصادفني في يومي لحظة حزينه..
أحس أني خايفة أفقد الفرح بحياتي..
خايفـة أخسر اللي حولي..
بالرغم من اني قاعده احاول قد ما اقدر أتواصل معاهم بشتى الطرق..
لكن يظل هالخوف ملازمني ..
صرت للأكل حتى ما اشتهي ..
والنوم بالمرة ماذاقته جفوني ..
أحس هالفترة كل ( ن ) عني منشغل..
طبعاً ما أخبي عليكم مريت هالكم يوم بلحظات جداً حلوة مع ناس لهم مكانه خاصه بقلبي..
غريب تعلقي فيهم .. حاولت أكتم احساسي لكن خوفي من فقدانهم خلاني أبوح..
وأتمنى من كل قلبي بوحي لهم بمشاعري مايضايقهم..
واعذروني لو قصرت حبيت أفضفض لكم شوي بمكنون قلبي قبل لا أنام..
ألتقيكم على خير قريب..
حافظكم ربي
{ ترانيم الحزن تلوح لي دائماً وتنتظرني لترحب بي بقربها ~
|
التوقيع ~ :~ ♥ يآ قڵب [
] .. إنبض .. مردّڪْ فِي يۈم ٺٺۈقف .. =(
