“كلاكيت” ثاني مرة... “أكشن ~

مرحبــا يالغلا..شلونكم؟

ممممم ذكـرت لكم المره اللي فاتت النيو لوك تبعي..

وشلون كانت قصة شعري وشنو كان لون الصبغه..

طبعاً كنت حاسه ان القصه عاديه فقررت أجازف وأروح مع رفيجتي للمره الثانيــه أقصه أقصر من القصه الاولى..

صحيت الصبح تسبحت وطلعت طوالي لبيتها ..

تريقنا وع الساعه 10 رحنا للصالون..

انا عن نفسي كنت مجهزة صورة القصه حسيتها بتكون مغامرة لو قصيتها بس صاحبة الصالون مارضت لأن القصه فعلا فيها مجازفه لشعري..

فاقترحت علي اقصه مثل قصة شعر حصة اللوغاني..وضحت لي ان هالقصه تناسب ويهي أكثر..

وافقتها أنا ورفيجتي وابتدت بالقص ..

طبعاً اللي أبي اوضحه اني فعلا اهملت نفسي بالحييل وانشغلت بأمور الحب..

فقررت التفت لنفسي شوي واترك الحب لأهله..

تعبت وتعب قلبي انتظار حبه..

لذالك راح تكون لي وقفـة جــادة مع نفسي  :

1- قررت اعتني بنفسي أكثر وأكثر ..

2- قررت أرجع لمشاريعي ومخططاتي..

3-أحاول كل بين فترة وفترة أجمع رفيجاتي في مكان يكون هادي وبعيد عن اي ازعاج..

4- أحاول أشترك بنادي رياضي بعد الدوام منها رشاقه ومنها صحه <--- لا يغركم ترى عصله بس لزوم الرشاقه ^.^

5-قررت أشتري واايـد كتب بشتى المجالات أسلي وقتي فيهم واستفيد منهم بكم معلومه..

6- حاليا قاعده أفكر أكمل دراستي ..بس مو أكيده..

هذا اللي قررته أحاول انسى الحب وبلاويه من خلالهم..

حبكم بقلبي كبير
لو يصير اللي يصير
البعاد فترة وتعدي
وبرجع لكم في الأخير

هالبوست بيكون البوست الأخير قبل لا أسافر الخميس ان  شاءالله ماراح يكون عندي مجال هاليومين..

بحاول أكون على تواصل معاكم..

لحين ما ارجع انا والاهل بالسلامة ..

راح أغيب كم يوم وراجعـه بإذن الله..

أعتذر لكل شخص بحياتي ولكل شخص حولي ان كان بدر مني اي غلط ناحيته..او تقصير بحقه..

حافظكم ربي

| التوقيع ~ :

~ ♥ يآ قڵب [ ] .. إنبض .. مردّڪْ فِي يۈم ٺٺۈقف .. =(